Deprecated: preg_replace(): The /e modifier is deprecated, use preg_replace_callback instead in /home2/sado/public_html/arki.az/includes/php_functions.php on line 106

Deprecated: mysql_connect(): The mysql extension is deprecated and will be removed in the future: use mysqli or PDO instead in /home2/sado/public_html/arki.az/classes/db.class.php on line 19

Warning: Cannot modify header information - headers already sent by (output started at /home2/sado/public_html/arki.az/includes/php_functions.php:106) in /home2/sado/public_html/arki.az/index.php on line 8
"İkinci güllə" filminin təqdimat mərasimi baş tutdu-FOTOLAR Arki.az - Azərbaycan Respublikası Kinematoqrafçılar İttifaqı
Ana səhifə  |   Az  |   Ru  |   En

"İkinci güllə" filminin təqdimat mərasimi baş tutdu-FOTOLAR

Azərbaycan Respublikası Kinematoqrafçılar İttifaqı tərəfindən elan edilən “Yeni nəfəs–1” qısametrajlı ssenari müsabiqəsinin qalibi olan “İkinci güllə” ssenarisi əsasında çəkilən qısametrajlı filminin təqdimatı keçirilib. 

 

Azərbaycan Respublikası Kinematoqrafçılar İttifaqının Mətbuat xidməti xəbər verir ki,qalib ssenarinin müəllifi və filmin quruluşçu rejissoru Natiq Rəsulovdur. “CinemaPlus” premium kinoteatrlar şəbəkəsinə daxil olan “Azərbaycan” kinoteatrında keçirilən təqdimat mərasimində Kinematoqrafçılar İttifaqının sədri, Xalq Artisti Şəfiqə Məmmədova çıxış edərək müsabiqə barədə məlumat verib. Bildirib ki, filmi ssenari əsasında müəllif özü “Narimanfilm” kinostudiyasında çəkib. Şəfiqə Məmmədova müəllifi təbrik edərək uğurlar arzulayıb.

 

Müsabiqənin münsiflər heyətinin üzvü, tanınmış yazıçı, Əməkdar İncəsənət Xadimi Natiq Rəsulzadə müsabiqənin 2013-cü ildə keçirildiyini söyləyib. Qeyd edib ki, müsabiqə kinematoqrafiya sahəsində gənclərin yaradıcılıq fəaliyyətini inkişaf etdirmək, gənc və istedadlı müəllifləri aşkara çıxarmaq, həmçinin milli kinomuza yeni fikir, yeni nəfəs gətirmək məqsədilə reallaşdırılır. O, 2016-cı ildə ikincisi həyata keçirilən müsabiqənin davamlı olacağını deyib.

 

Müsabiqənin qalibi Natiq Rəsulov filmin çəkilişində dəstək olanlara minnətdarlığını bildirib.

 

Sonra film nümayiş edilib. Filmdə sosial problemlər önə çəkilərək bəzi adətlərin fəsadları əks olunub.

 

Filmin prodüseri Nəriman Məmmədov, quruluşçu operatoru Kirill Gerra, icraçı prodüseri Emin Quliyevdir. Ekran əsərində Əməkdar artistlər Vidadi Həsənov, Nəsibə Eldarova, Hüsniyyə Mürvətova, aktyorlar Manaf Dadaşov, Elmin Bədəlov, Elgün Həmidov və Leyli Vəliyeva çəkiliblər.

 

 

20.02.2017

Digər xəbərlər